GOAT திரைப்படம் வெளியாக இன்னும் ஒரு மாதத்திற்கும் குறைவான நாட்களே உள்ளது. எனவே நாளுக்கு நாள் ரசிகர்களின் எதிர்பார்ப்பு அதிகரித்துக்கொண்டே தான் வருகின்றது. என்னதான் GOAT படத்தின் பாடல்கள் பெரியளவில் ஒர்கவுட் ஆகவில்லை என்றாலும் படத்தின் மீதான எதிர்பார்ப்பு எந்த விதத்திலும் குறைய வில்லை. பாடல்கள் சுமாராக இருந்தாலும் பின்னணி இசையில் யுவன் ஷங்கர் ராஜா மிரட்டியிருப்பார் என்றே அனைவராலும் எதிர்பார்க்கப்படுகின்றது.
மேலும் வெங்கட் பிரபுவின் ஸ்டைலில் விஜய் ஒரு படத்தில் நடிக்க வேண்டும் என்பது தான் தளபதி ரசிகர்களின் நீண்ட நாள் ஆசையாக இருந்து வந்தது. அந்த ஆசை GOAT படத்தின் மூலம் நிறைவேறியுள்ளது. அஜித்தை வைத்து மங்காத்தா என்ற மாபெரும் ஹிட் படத்தை கொடுத்தார் வெங்கட் பிரபு. அதைத்தொடர்ந்து சிம்புவை வைத்து மாநாடு என்ற வித்யாசமான படத்தை கொடுத்து வெற்றிகண்டார். அதுபோல விஜய்க்கும் ஒரு தரமான வெற்றி படத்தை வெங்கட் பிரபு கொடுப்பார் என்றே தெரிகின்றது.
இந்நிலையில் GOAT திரைப்படம் செப்டம்பர் ஐந்தாம் தேதி விநாயகர் சதுர்த்தியை முன்னிட்டு வெளியாகவுள்ளது. இதனை முன்னிட்டு இப்படத்தின் ட்ரைலர் ஆகஸ்ட் மூன்றாவது வாரத்தில் வெளியாகும் என தெரிகின்றது. அதற்கான வேலைகள் தான் தற்போது விறுவிறுப்பாக போய்க்கொண்டிருக்கின்றதாம். வெங்கட் பிரபு தற்போது GOAT படத்தின் ட்ரைலரை ரெடி செய்து வருகின்றார்.
இன்னும் ஓரிரு நாட்களில் இப்படத்தின் ட்ரைலரை விஜய் மற்றும் தயாரிப்பாளரிடம் போட்டு காண்பிக்க இருக்கின்றார் வெங்கட் பிரபு. அநேகமாக ஆகஸ்ட் 19 ஆம் தேதி GOAT ட்ரைலர் வெளியாகும் என எதிர்பார்க்கப்படுகின்றது. இந்நிலையில் GOAT படத்தின் இசை வெளியீட்டு விழாவிற்காக தான் ரசிகர்கள் அனைவரும் ஆவலாக எதிர்பார்த்து காத்துகொண்டு இருக்கின்றனர்.
ஆனால் இப்படத்தின் இசை வெளியீட்டு விழா நடப்பது சந்தேகம் தான் என தெரிகின்றது. எனவே தான் இசை வெளியீட்டு விழா நடக்காத குறையை ஈடுகட்டும் வகையில் வித்யாசமான ப்ரோமோஷன் யுக்திகளை வெங்கட் பிரபு கையாள இருக்கிறாராம். எப்படி நெல்சன் தன் படங்களின் ப்ரோமோஷனுக்காக வித்யாசமான ப்ரோமோ வீடியோவை வெளியிடுவாரோ அதை போல வெங்கட் பிரபுவும் வித்யாசமாக வீடியோ வெளியிட இருக்கிறாராம்.
முடிந்தால் விஜய் ஓகே சொன்னால் தளபதியையும் அந்த ப்ரோமோஷனல் வீடியோவில் பயன்படுத்த இருக்கிறாராம் வெங்கட் பிரபு. நெல்சனுக்கு முன்கூட்டியே வெங்கட் பிரபு ப்ரோமோஷனுக்காக வித்யாசமான பல விஷயங்களை செய்துள்ளார். முதன் முதலில் டீசர் என்ற ட்ரெண்டையே மங்காத்தா படத்தின் மூலம் வெங்கட் பிரபு தான் துவங்கி வைத்தார்.
எனவே கண்டிப்பாக GOAT ப்ரோமோஷனுக்காக வெங்கட் பிரபு செய்யவிருக்கும் புது முயற்சிகள் ஒர்கவுட் ஆகும் என்றே எதிர்பார்க்கப்படுகின்றது. இந்நிலையில் அடுத்த வாரம் முதல் GOAT படத்தின் ப்ரோமோஷனை வெங்கட் பிரபு துவங்குவார் என எதிர்பார்க்கப்படுவது குறிப்பிடத்தக்கது.
