விமர்சனங்களுக்கு எல்லாம் பதிலடி..

அஜித் நடிப்பில் உருவாகி வரும் ‘விடாமுயற்சி’ படத்தின் இறுதிக்கட்ட படப்பிடிப்பு தற்போது மும்முரமாக நடந்து கொண்டிருக்கிறது. மகிழ் திருமேனி இயக்கி கொண்டிருக்கும் இப்படத்தின் ஷுட்டிங் விரைவில் நிறைவடைய உள்ளது.

தமிழ் சினிமாவில் முன்னணி நடிகராக திகழ்பவர் அஜித். ரசிகர்களை சந்திக்காவிட்டாலும், தனது படங்களின் புரமோஷன் நிகழ்ச்சிகளில் கலந்துக்கொள்ளவில்லை என்றாலும், இவரது படங்களின் அப்டேட்கள் வெளியாகவில்லை என்றாலும் இவருக்கான மாஸ், மவுசு என்றுமே குறைந்ததில்லை. தற்போது அஜித் நடிப்பில் விடாமுயற்சி, குட் பேட் அக்லி படங்கள் உருவாகி வருகின்றன.

விடாமுயற்சி

‘துணிவு’ படத்தினை தொடர்ந்து அஜித் நடிப்பில் ‘விடாமுயற்சி’ படப்பிடிப்பு துவங்கி ஓராண்டுகளுக்கு மேலாக ஆகி விட்டாலும், இன்னமும் இந்த ஷுட்டிங் முடிவடைந்த பாடாக இல்லை. தொடர்ந்து தள்ளிப்போய் கொண்டே இருக்கிறது. இதனால் ரசிகர்கள் கடும் அப்செட்டில் இருக்கின்றனர். இந்நிலையில் மகிழ் திருமேனி இயக்கத்தில் உருவாகும் ‘விடாமுயற்சி’ படத்தின் இறுதிக்கட்ட படப்பிடிப்பு தற்போது மும்முரமாக நடந்து கொண்டிருக்கிறது.

குட் பேட் அக்லி

இதனிடையில் விடாமுயற்சி படப்பிடிப்பு நிறைவடையும் முன்பே ‘குட் பேட் அக்லி’ படத்திலும் நடிக்க கமிட் ஆகி விட்டார். ஆதிக் ரவிச்சந்திரன் இயக்கத்தில் இப்படம் உருவாகி கொண்டிருக்கிறது. இதன் முதல்கட்ட படப்பிடிப்பில் ஏகே பங்கேற்ற நிலையில், அதனை தொடர்ந்து ‘விடாமுயற்சி’ ஷுட்டிங்கில் கலந்துக்கொள்ள ஆரம்பித்து விட்டார் அஜித். இதனை முடித்து விட்டு தான் ‘குட் பேட் அக்லி’ படப்பிடிப்பிற்கு அஜித் வருவார் என கூறப்பட்டது.

இரண்டு படப்பிடிப்பு

இந்நிலையில் தற்போது ஹைதராபாத்தில் ஒரே நேரத்தில் விடாமுயற்சி, குட் பேட் அக்லி படப்பிடிப்பில் கலந்துக்கொண்டு வருகிறார் ஏகே. பல ஆண்டுகளுக்கு பிறகு இதே மாதிரி இரண்டு படங்களின் ஷுட்டிங்கில் பங்கேற்று கொண்டிருக்கிறார். அத்துடன் இரண்டு படங்களின் ஷுட்டிங்கிலும் 21 மணி நேரத்தில் ஏகே கலந்துக்கொண்டு வருவதாக அஜித்தின் மேலாளர் சுரேஷ் சந்திரா தெரிவித்துள்ளார். இந்த தகவல் ரசிகர்கள் மத்தியில் மிகப்பெரிய ஆச்சரியத்தை ஏற்படுத்தியுள்ளது.

விமர்சனங்களுக்கு பதிலடி

சமீப காலமாக அஜித் கமிட்டான படங்களில் கவனம் செலுத்தாமல், பைக் எடுத்துக்கொண்டு டூர் கிளம்பி விடுகிறார் என்ற விமர்சனங்கள் முன் வைக்கப்பட்டன. இதற்கெல்லாம் பதிலடி கொடுக்கும் விதமாக தற்போது ஒரே நேரத்தில் இரண்டு படங்களின் ஷுட்டிங்கிலும், நேரம் காலம் பார்க்காமல் ,கலந்துக்கொண்டு வருகிறார் அஜித். இதனிடையில் பிரசாந்த் நீல் இயக்கத்தில் ஒரு படத்தில் ஏகே நடிக்கவுள்ளதாக தகவல்கள் வெளியாகி ரசிகர்களின் எதிர்பார்ப்பை எகிற வைத்துள்ளது குறிப்பிடத்தக்கது.