தனுஷின் 50 வது படமாக அவரே இயக்கி நடித்து சமீபத்தில் வெளியானது ‘ராயன்’. படம் வெளியாகி ஒரு வாரம் கடந்தும் திரையரங்குகளில் ரசிகர்கள் ராயனை கொண்ட்டாடி தீர்த்து வருகின்றனர். இந்நிலையில் ‘ராயன்’ படம் புதிய சாதனை ஒன்றை படைத்துள்ளது.
ராயன்
அண்மையில் தனுஷ் நடிப்பில் ரிலீசாகி தொடர் வரவேற்பை குவித்து வரும் படம் ‘ராயன்’. கடந்த பொங்கலுக்கு வெளியான ‘கேப்டன் மில்லர்’ படத்திற்கு பின், அவரின் 50 வது படமாக வெளியாகியுள்ள ராயனை திரையரங்குகளில் கொண்டாடி தீர்த்து வருகின்றனர் ரசிகர்கள். இதனால் உச்சக்கட்ட மகிழ்ச்சியில் உள்ளனர் படக்குழுவினர். இந்நிலையில் ‘ராயன்’ படம் படைத்துள்ள வசூல் சாதனை குறித்த தகவல்கள் வெளியாகியுள்ளன.புதிய சாதனை
ராயன் படம் ரிலீசான 3 நாட்களிலே ரூ. 75 கோடிக்கும் அதிகமாக வசூலித்து சாதனை படைத்தது. அதனை தொடர்ந்து ஒரே வாரத்தில் 7 நாட்களில் ரூ. 100 கோடி கிளப்பிலும் இணைந்தது. இதனால் தனுஷ் உச்சக்கட்ட மகிழ்ச்சியில் இருந்தார். இந்நிலையில் படம் வெளியாகி 12 நாட்கள் கடந்த பின்னரும் பல திரையரங்குகளில் வெற்றிகரமாக ஓடி கொண்டிருக்கிறது ராயன் படம்.
அதிக வசூல்
இதனிடையில் தனுஷ் நடித்த படங்களிலேயே அதிக வசூலை குவித்த படம் என்ற சாதனையை ‘ராயன்’ படைத்துள்ளதாக தகவல்கள் வெளியாகியுள்ளன. இதுவரை ஒட்டுமொத்தமாக ரூ. 132 கோடிக்கும் அதிகமாக இப்படம் பாக்ஸ் ஆபிஸில் வசூலை குவித்துள்ளதாக கூறப்படுகிறது. இதனையடுத்து 50 வது படத்திற்காக தனுஷ் இயக்குனர் அவதாரம் எடுத்தது வீண் போகவில்லை என ரசிகர்கள் கூறி வருகின்றனர். தற்போது சேகர் கம்முலா இயக்கத்தில் ‘குபேரா’ படத்தில் தனுஷ் நடித்து கொண்டிருப்பது குறிப்பிடத்தக்கது.
